صفحہ اول تازہ سرگرمیاں - سیمینار ڈاکٹر قدیر خان کا انتقال پاکستان،مسلم امہ کیلئے ناقابل تلافی نقصان ہے، پروفیسر خورشید احمد English
ڈاکٹر قدیر خان کا انتقال پاکستان،مسلم امہ کیلئے ناقابل تلافی نقصان ہے، پروفیسر خورشید احمد چھاپیے ای میل

 PKA-and-Dr-AQ-Khan

سابق سینیٹر اور انسٹی ٹیوٹ آف پالیسی اسٹڈیز(آئی پی ایس)کے بانی پروفیسر خورشید احمد نے معروف ایٹمی سائنسدان و محسن پاکستان ڈاکٹر عبدالقدیر خان کے انتقال پر انتہائی دکھ اور افسوس کا اظہار کرتے ہوئے سوگوار خاندان سے دلی ہمدردی کا اظہار کیا۔

اکتوبر 10، 2021 کو جاری ہونے والاے اپنے تعزیتی پیغام میں پروفیسر خورشید احمد نے کہا کہ ڈاکٹر عبدالقدیر خان کا انتقال نہ صرف پاکستان اور اس کے عوام کے لیے بلکہ حقیقت میں پوری مسلم دنیا کے لیے ایک ناقابل تلافی نقصان ہے   پروفیسر خورشید احمد نے کہا کہ ڈاکٹر خان کے ساتھ ان کی وابستگی ان کے طالب علمی کے زمانے سے تھی اور وہ خوش قسمت تھے کہ کئی مواقع پر ان کی مرحوم سائنسدان کے ساتھ قومی اہمیت کے معاملات پر تبادلہ خیالات ہوئے۔

ان کا کہنا تھا کہ مرحوم ایک پرجوش محب وطن تھے جن کا پاکستان کو ناقابل تسخیر بنانے میں اہم کردار تھا جن کا ذکر ہمیشہ شاندار الفاظ کے ساتھ کیا جائے گا۔انہوں نے دعا کی کہ اللہ رب العزت مرحوم کی روح کو جوار رحمت میں جگہ دے اور سوگوار خاندان کو صبر جمیل عطا فرمائے۔