آئی پی ایس کے ایگزیکٹو پریذیڈنٹ خالد رحمٰن نے 3 سے 5 مئی 2017ء کو China Institute of Contemporary International Relation (CICIR) کی دعوت پر چین کے شہر بیجنگ کا دورہ کیا۔

چائنا سنٹر فار انٹرنیشنل اکنامک ایکسچینج (CCIEE) کی دعوت پر ایگزیکٹو پریذیڈنٹ آئی پی ایس خالد رحمٰن نے ' بیلٹ اینڈ روڈ گلوبل تھنک ٹینک فورم' اور 'پانچویں گلوبل تھنک ٹینک سمٹ' میں شرکت کی۔ تھنک ٹینک سربراہان کا یہ اجلاس بالترتیب 14 اور 15 مئی 2017ء کو چین کے شہر بیجنگ میں منعقد ہوا۔ یہاں یہ بات قابل ذکر ہے کہ BRF بیلٹ اینڈ روڈ انیشی ایٹو (BRI) کے ماتحت سب سے اعلیٰ درجے کا فورم ہے جس کا مقصد متعلقہ فریقوں کے ساتھ تعاون بڑھانے، تعاون کے لیے اقدامات کے فروغ اور باہمی عملی اقدامات کے نتائج پر ایک دوسرے کے ساتھ تبادلہ_ٔ خیال کو جاری رکھنا ہے۔ فورم میں وزارت کی سطح کے وفود، بین الاقوامی اداروں کے سربراہان، سابق غیرملکی شخصیات، معروف کاروباری افراد، موضوعات کے ماہرین اور مختلف ممالک کے دانشوروں کے نمائندہ افراد نے حصہ لیا۔