بیونڈ دی فائلز

جلد: پیپر بیک | کنڈل (ایمیزون) صفحات: 412 زبان: انگریزی ناشر: آئی پی ایس پریس اشاعت کی تاریخ : ۴ اگست ۲۰۲۵ ISBN: ‎978-969-448-856-1 قیمت: کنڈل ای بک: 6 امریکی ڈالر | پیپر بیک (ایمیزون): 25 امریکی ڈالر نمونہ پڑھنے کے لیے یہاں کلک کریں

کتاب کے بارے میں

Beyond the Files ایک سلسلے کی پہلی جلد ہے جو پاکستانی پبلک پالیسی کے ماہرین کی زبانی تاریخوں پر مبنی ہے۔ گزشتہ پانچ برسوں میں آئی پی ایس نے 30 سے زائد ایسے افراد کی زندگیوں اور تجربات کو قلم بند کیا ہے جنہوں نے پاکستان میں پالیسی سازی کے عمل میں کلیدی کردار ادا کیا۔ یہ منصوبہ، جسے The Living Scripts Project کہا جاتا ہے، علمی تحقیق، صحافت اور سماجی علوم کے امتزاج کا ایک منفرد نمونہ ہے۔

"پالیسی پریکٹیشنرز” کی اصطلاح میں بیوروکریٹس، منتخب نمائندے، سیاسی جماعتوں کے ارکان، ماہرین تعلیم، سول سوسائٹی کے نمائندے اور پالیسی و وکالت سے منسلک دیگر ماہرین شامل ہیں۔
اس پہلی جلد میں 12 شخصیات کے بیانات شامل ہیں، جن میں سے تقریباً تمام سابق وفاقی سول سرونٹس ہیں۔ پاکستان کے حکومتی نظام سے واقف لوگ جانتے ہیں کہ بیوروکریسی محض انتظامی امور تک محدود نہیں رہی بلکہ ملکی سیاسی معاملات میں بھی نمایاں کردار ادا کرتی رہی ہے۔ یہ لوگ تاریخ کے شاہد بھی رہے ہیں اور تبدیلی کے معمار بھی۔

The Living Scripts Project کے ذریعے آئی پی ایس کا مقصد ایسے ذاتی بیانات کو محفوظ کرنا ہے جو پاکستان کی پبلک پالیسی کی دنیا میں گہرے مشاہدات اور تجربات پیش کرتے ہیں۔ یہ منصوبہ جاری ہے اور آئندہ بھی ان قیمتی تجربات کو محفوظ کرنے کا سلسلہ برقرار رہے گا۔

نمایاں خصوصیات

1. سول سروس کی منفرد جھلکیاں
   کتاب تجربہ کار پاکستانی سول سرونٹس کے دلچسپ انٹرویوز پر مبنی ہے جو ان کی جدوجہد، کامیابیوں اور سیکھے گئے اسباق کو اجاگر کرنی ہے۔
2. فائلوں سے ماورا کہانیاں
   سرکاری دستاویزات سے آگے بڑھ کر یہ ان ذاتی تجربات، اخلاقی آزمائشوں اور فیصلہ سازی کے چیلنجز کو بیان کرتی ہے جن کا سامنا افسران کو اپنے کیریئر میں کرنا پڑا۔
3. حوصلہ افزا اور معلوماتی
   کتاب سول سروس کے امیدواروں کے لیے تحریک اور رہنمائی کا ذریعہ ہے، کیونکہ یہ حقیقی زندگی کی کہانیاں پیش کرتی ہے۔
4. متنوع موضوعات
   حکمرانی، پالیسی پر عملدرآمد، سماجی اصلاحات، دیانت داری اور بیوروکریسی کی ثقافت جیسے موضوعات کا احاطہ کرتی ہے۔
5. دلچسپ مکالماتی انداز
   آسان زبان اور مکالماتی انداز میں لکھی گئی ہے تاکہ پالیسی اور انتظامی نظام کی پیچیدگیاں عام قارئین کے لیے بھی قابلِ فہم ہوں۔

کس کے لیے تجویز کردہ

• CSS، PMS، PCS کے امیدوار
• پبلک ایڈمنسٹریشن اور گورننس کے طلبہ
• وہ قارئین جو سول سروس، بیوروکریسی اور پالیسی سازی میں دلچسپی رکھتے ہیں
• عام قارئین جو پاکستانی بیوروکریسی کے انسانی پہلو کو سمجھنا چاہتے ہیں