‘سینٹرل افریقہ: ایک کم توجہ شدہ خطہ: امکانات اور چیلنجز’

بین الاقوامی امور کے ماہرین کاافریقی ممالک کے ساتھ تعلقات کو فروغ دینے کی فوری ضرورت پر زور

پاکستان کے لیے یہ وقت کی ضرورت ہے کہ  متعدد افریقی ممالک ، خاص طور پر وسطی افریقی خطے میں موجود نظر انداز شدہ ممالک کے ساتھ تعلقات کو خارجہ پالیسی میں واضح حکمت عملی، ایک باخبر نقطہ نظر، اور پبلک سیکٹر کے تعاون سے پرائیویٹ سیکٹر پر فوکس کے ساتھ ایک مربوط پروگرام کے ذریعے فروغ دینے پر  خصوصی توجہ دے ۔

یہ مشاہدات انسٹی ٹیوٹ آف پالیسی اسٹڈیز، اسلام آباد کے زیر اہتمام جاری ‘انڈرسٹینڈنگ افریقہ پروگرام’ کے تحت ‘سینٹرل افریقہ: ایک  کم توجہ شدہ خطہ: امکانات اور چیلنجز’ کے عنوان سے 17 اگست 2022 کو ہونے والی  ایک گول میز کے دوران سامنے آئے۔

تقریب سےبطور مرکزی مقرر سابق سفیر عمران یاور نے خطاب کیا جبکہ آئی پی ایس کے سینئر ریسرچ فیلو ڈاکٹر سیف الرحمٰن ملک نے  نشست کی نظامت کی۔ آئی پی ایس کے چیئرمین خالد رحمٰن،  وائس چئیرمین  سابق سفیر سید ابرار حسین، سابق سفیر تنویر اختر خاص خیلی، رکن آئی پی ایس نیشنل اکیڈمک کونسل پروفیسر ڈاکٹر انوار الحسن گیلانی اور  سابق سفیر صلاح الدین چوہدری نے بھی اس موقع پر خطاب کیا۔

مقررین اور گفتگو کرنے والوں نے کثیر شعبہ جاتی رابطوں، اور افریقی ریاستوں اور پاکستان کے درمیان کاروبار سے کاروبار، اور عوام سے عوام کے درمیان رابطوں کی سہولت پر مبنی خارجہ تعلقات کی پالیسی بنانے کی ضرورت پر زور دیا۔

یاور نے کہا کہ بہت سی افریقی ریاستوں کو نوآبادیات سے پاک کرنے اور افریقی براعظم میں اقوام متحدہ کے امن مشنز میں پاکستان کے تعاون نے گزشتہ برسوں میں پاکستان کے لیے بے پناہ خیر سگالی پیدا کی ہے۔ تاہم، بدقسمتی سے، پاکستان اس سے فائدہ نہیں اٹھا سکا، جس کی بڑی وجہ پالیسی کی سطح پر افریقہ سے متعلق نابلدذہنیت ہے۔ یہ دھندلا نقطہ نظر بنیادی طور پر ان چیلنجوں کی وجہ سے غالب رہا ہے جو دنیا کے امیر ترین براعظم افریقہ  کی استعداد اور امکانات کو چھپا دیتے ہیں۔

  انہوں نے کہا کہ وسطی افریقہ ایک ایسا خطہ ہے جو براعظم کا سب سے کم مربوط، کم ترقی یافتہ اور غیر مستحکم  ترین حصہ ہے۔ انہوں نے مزید کہا کہ قیادت اور حکمرانی کی  خامیاں اور ناکامیاں، بین الریاستی اور اندرونی تنازعات، غیر ملکی عوامل کا اثر و رسوخ، اور انسانی مسائل بنیادی طور پر وہ منسلک چیلنجز ہیں جو عدم استحکام کو فروغ دیتے ہیں اور خطے کی سماجی، سیاسی اور اقتصادی ترقی کو روکتے ہیں۔

سابق سفارت کار نے اس بات پر زور دیا کہ پاکستان کو افریقہ کے بارے میں اپنے تنگ نظری کو ختم کرنا چاہیے، جس نے اسے خطے میں پہلے سے موجود خیر سگالی اوراس کی  صلاحیت سے فائدہ اٹھانے سے روک دیا ہے جو مختلف شعبوں میں سرمایہ کاری کے بہت سے مواقع فراہم کرتا ہے۔

 اپنے اختتامی کلمات میں خالد رحمٰن نے اس بات پر روشنی ڈالی کہ پاکستان کا پالیسی نقطہ نظر قائدانہ سفارت کاری، کثیر شعبہ جاتی رابطوں، تعامل اور مرئیت، مناسب سفارتی موجودگی، پارلیمانی تبادلوں اور وسطی افریقہ میں خیر سگالی اوراس کے  امکانات سے فائدہ اٹھانے کے لیے مستقل مزاجی پر مبنی ہونا چاہیے۔ مجموعی طور پر افریقہ، جبکہ عالمی گورننس کے مسائل کو بھی اس سلسلے میں مدنظر رکھنا چاہیے۔ اس سلسلے میں، افریقہ کے ساتھ بامعنی طور پر منسلک ہونے کے لیے خارجہ پالیسیوں اور اقدامات کو مستقل وژن اور ٹھوس نقطہ نظر کے ساتھ تیار کیا جانا چاہیے۔

 مزید برآں، ذہنیت کو بدلنے کے لیے متعدد سطحوں پر کوششوں کی ضرورت ہے جس میں میڈیا، اعلیٰ قیادت، ماہرین تعلیم اور تھنک ٹینکس کا کردار شامل ہو۔ اس کے علاوہ افریقی براعظم کے حوالے سے ناقص ذہنیت کو تبدیل کرنے کے لیے نچلی سطح پر آگاہی بھی اتنی ہی ضروری ہے۔

انہوں نے مزید کہا کہ موجودہ منظرنامے عالمی گورننس کے مسائل کے بارے میں ، جو کہ افریقہ اور پاکستان کے لیے مشترک ہیں ،ایک قابل فہم مشترکہ حکمت عملی کے مواقع بھی پیش کرتے ہیں ۔