ضلع پشین کے اساتذہ کا دورہ

 بلوچستان کے ضلع پشین سے تعلق رکھنے والے شعبہ تعلیم سے وابستہ افراد کے ایک وفد نے انسٹی ٹیوٹ آف پالیسی اسٹڈیز اسلام آباد کا دورہ کیا۔ وفد میں ضلعی ایجوکیشن آفیسر کے ساتھ ضلع کے مختلف اسکولوں اور دینی مدارس کے پرنسپلز اور اساتذہ شامل تھے۔ پشین کے اساتذہ کے لیے اس مطالعاتی دورے کا اہتمام بلوچستان رورل سپورٹ پروگرام (BRSP) نے 12 اگست 2015ء کو کیا۔

اس موقع پر انسٹی ٹیوٹ آف پالیسی اسٹڈیز اسلام آباد کے ڈائریکٹر جنرل خالد رحمن کے ساتھ وفد کے شرکاء کی ایک نشست کا اہتمام کیا گیا، جس میں ڈائریکٹر جنرل نے آئی پی ایس کے وژن، مقاصد اور اب تک حاصل کردہ کامیابیوں کا ایک جامع تعارف کروایا نیز اس پہلو کو بھی واضح کیا کہ آج کے جدید معاشروں میں تھنک ٹینک اور تحقیقی اداروں کا کیا کردار ہے۔