ڈائریکٹر جنرل آئی پی ایس کی بحریہ یونیورسٹی کی کارپوریٹ ایڈوائزری کمیٹی کے اجلاس میں شرکت

بحریہ یونیورسٹی اسلام آباد کی انتظامیہ کی درخواست پر ڈائریکٹر جنرل آئی پی ایس خالد رحمٰن یونیورسٹی کی کارپوریٹ ایڈوائزری کمیٹی کے رکن بن گئے ہیں۔ اس ضمن میں انہوں نے 30دسمبر 2016ء کو اس کی میٹنگ میں شرکت کی۔

اس میٹنگ میں یونیورسٹی کی کارپوریٹ مینیجمنٹ اور تعلیمی امور کے اہم پہلوؤں پر تبادلہ_ٔ خیال کیا گیا۔ اس میں ڈی جی آئی پی ایس کے ساتھ شرکت کرنے والے دیگر افراد میں نیشنل ڈیفنس یونیورسٹی اسلام آباد کے شعبہ پیس اینڈ کنفلکٹ سٹڈیز کے ڈاکٹر اشتیاق احمد، ایرڈ ایگریکلچر یونیورسٹی راولپنڈی میں شعبہ علم بشریات (Anthropology) کے سربراہ ڈاکٹر عابد غفور چوہدری، پاکستان انسٹی ٹیوٹ آف ڈویلپمنٹ اکنامکس (PIDE) کے شعبہ ڈویلپمنٹ سٹڈیز کے سربراہ ڈاکٹر ذوالفقار علی، نیشنل یونیورسٹی آف سائنس اینڈ ٹیکنالوجی (NUST) کے اسسٹنٹ پروفیسر ڈاکٹر احمد وقاص اور وزیراعظم آفس کی میڈیا ریسرچر سدرہ ریاض شامل تھیں۔