نقطۂ نظر 34

نقطۂ نظر :   (اپریل ۲۰۱۳ء –ستمبر ۲۰۱۳ء) مدیر : ڈاکٹر سفیر اختر شمارہ : ۳۴ صفحات : ۲۰۰ قیمت : پاکستان میں ۲۵۰ روپے بیرون ملک ۱۵ امریکی ڈالر (بشمول بنک چارجز)

”نقطۂ نظر“کا تازہ شمارہ نمبر۳۴ (اپریل ۲۰۱۳ – ستمبر ۲۰۱۳ء)شائع ہوگیا ہے۔ یہ انسٹی ٹیوٹ آف پالیسی اسٹڈیز کا ششماہی اردو مجلہ ہے۔ جس میں نئی کتابوں کا تعارف اوران پر تبصرہ ہوتا ہے۔ اسلام، ثقافت، تاریخ، مسلم دنیا اوراس سے متعلقہ مباحث پر پاکستان میں اردو میں شائع ہونے والی کتابیں اس کا موضوع ہیں۔ ۱۹۹۶ء سے شائع ہونے والے اس جریدہ نے پاکستانی مسلمانوں کے نظریات، روایات اورمسائل و مشکلات کے بارے میں سامنے آنے والے علمی کام کو سمجھنے اوراس کا شعور عام کرنے میں اہم کردار ادا کیاہے۔ ایک عام قاری کے لیے یہ جریدہ بنیادی مباحث کی تفہیم کے ساتھ ساتھ دستیاب مآخذ اورمصنفین تک رسائی کوآسان بناتا ہے۔ اس ششماہی جریدے کے مدیر ڈاکٹر سفیر اختر ہیں۔ تازہ شمارے میں ۴۸کتابوں اور تین علمی و ادبی جرا ئد پر تبصرہ کیا گیا ہے۔ آخر میں ناشر ین کے برقی پتے اور فون نمبرز بھی شامل کیے گئے ہیں۔ علاوہ ازیں پہلی قسط کے طور پر ۲۴ صفحات پر مشتمل ”کتاب نامہ سید سلیمان ندوی“ بھی اس میں شامل ہے۔

تازہ شمارہ گزشتہ شمارے خریدار  بنیے (پاکستان) خریدار بنیے (بیرون پاکستان)