اُڑمچی کا دورہ

انسٹی ٹیوٹ آف پالیسی اسٹڈیز، اسلام آباد کے ایک دو رکنی وفد نے چین کے شہر اُڑمچی میں انسٹی ٹیوٹ آف سنٹرل ایشیا، سنکیانگ اکیڈمی آف سوشل سائنسز کا دورہ کیا۔ اس وفد میں ادارہ کے ڈائریکٹر جنرل جناب خالد رحمن اورلیڈ کوآرڈی نیٹر جناب عرفان شہزاد شامل تھے۔ ۲۳ اپریل ۲۰۱۲ء کو ہونے والے اس پروگرام میں چینی اسکالرز سے باہمی دلچسپی کے علمی اُمور پر تبادلۂ خیالات ہوا۔ انسٹی ٹیوٹ آف سنٹرل ایشیا کی ڈاکٹرشی لین نے پاکستانی وفد کا استقبال کیا۔
آئی پی ایس کے ڈائریکٹر جنرل جناب خالد رحمن نے اس موقع پر خطے کی ابھرتی صورت حال اورپاک چین تعلقات پرایک پریزنٹیشن دی اوراس کے بعد سوال جواب کی نشست ہوئی۔